Në kuadër të Bon Voyage Superligës U21, Drita U21 dhe Gjilani U21 zhvilluan sot një përballje të zjarrtë, e cila u cilësua si një miniderbi lokal.
Skuadra e drejtuar nga Ardian Latifi tregoi superioritetin e saj në fushë, duke siguruar një fitore bindëse me rezultat 3-0.
Me këtë triumf, Drita U21 forcon pozitat në garën për titull, duke u ngjitur në vendin e dytë me 35 pikë, ndërsa Gjilani U21 mbetet në pozitën e gjashtë me 21 pikë.
Kjo fitore e mban Dritën U21 në presionin e kreut të tabelës, ndërsa Gjilani U21 duhet të rikuperojë për të mbetur në garën për pozitat më të larta.
