Partia Demokratike e Kosovës (PDK), Dega në Gjilan, përmes një komunikate ka bërë me dije se Agjensioni për Informim dhe Privatësi (AIP) i ka shqiptuar gjobë kryetarit të komunës së Gjilanit për mosrespektimin e ligjit duke i ikur transparencës dhe llogaridhënies para qytetarëve dhe publikut.
“PDK disa herë i ka kërkuar qasje komunës së Gjilanit për informata të ndryshme, mirëpo në disa raste ku ka dyshime për keqpërdorime financiare, tenderë të dyshimtë dhe punësime familjare, kryetari i komunës i ikë përgjegjësisë dhe e shkelë ligjin për qasje në dokumente publike.”, thuhet tutje në këtë komunikatë.
“Lidhur me këtë rast, PDK pret që AIP do ta detyrojë kryetarin e Gjilanit për të na ofruar dokumentet e kërkuara. Fshehja e dokumenteve zyrtare, mostransparenca dhe ika nga llogaridhënia e kësaj qeverisje komunale, shpreh gjendjen alarmante të krijuar në institucionet komunale”, thuhet në fund të komunikatës së PDK-së.
