Përplasjet mes drejtorit të Shëndetësisë në Gjilan, Hekuran Rapuca, dhe PDK-së po vazhdojnë.
Pas reagimit të Rapucës, Riad Rashiti i është kundërpërgjigjur ashpër, duke e akuzuar atë për keqpërdorime me tenderin prej 500 mijë eurosh dhe punësime familjare.
Rashiti ka paralajmëruar kallëzim penal ndaj Drejtorisë së Shëndetësisë, duke theksuar se të gjitha faktet dhe dokumentet janë publike.
Statusi i plotë:
Mendja e sëmurë e drejtorit të shëndetësisë paska reaguar ndaj denoncimit të PDK-së për tenderin e 500 mijë eurove dhe punësimin e 46 personave shumica familjarë të pushtetarëve
Paska thënë se PDK dhe unë kemi shpifur, ndërsa denoncimi ynë është publikuar me të gjitha faktet dhe dokumentet zyrtare, të cilat i kemi pranuar nga vetë komuna e Gjilanit.
Paska thënë se i kemi bërë presion kompanisë “KOSOVAMED” për dy punësime kinse partiake të PDK-së. I kërkoj këtij drejtori, që t’i bëjë publike çdo komunikim nëse ka pasur ndokush me këtë kompani.
Por jo, nuk mundet me e dëshmu fare, sepse asnjë fakt i vetëm nuk ekziston që kemi patur ndonjë komunikim me “KOSOVAMED”, bile edhe atëherë kur ky drejtor ka refuzuar të na ofrojë listën e 46 të punësuarve me tender, na është thënë zyrtarisht që këtë listë punësimesh ta kërkojmë tek operatori ekonomik “KOSOVAMED” ne nuk kemi komunikuar fare me ta, përkundrazi i jemi drejtuar me ankesë Agjensionit për Informim dhe Privatësi e cila pasi e ka gjobitur komunën e Gjilanit për shkelje të ligjit e ka detyruar këtë drejtor që të n’a dërgoj listën e punësimeve familjare në QKMF.
Në mesin e 46 të punësuarve ka plotë edhe familjarë të drejtorëve komunal të VV-së edhe të ish atyre të PDK-së, të cilët i keni blerë duke i joshur me pozita e punësime. Ka të punësuar edhe ndonjë tjetër të familjarëve që dikur i përkësnin PDK-së, por që i keni kushtëzuar dhe që keni lidhur interesa të jashtëligjshme me ta.
Andaj kot arsyetohesh dhe bënë reagime drejtor, të hënën ky rast për këtë tenderë do të dorëzohet zyrtarisht nga PDK në Prokurorinë Themelore të Gjilanit. Pastaj atje arsyetohu dhe ofroj të gjitha faktet nëse ke ndonjë për PDK-në dhe mua.
Për hajnitë tua, ndërkohë flasim me publikun dhe drejtësinë dhe juve si palë inkriminuese në vepra penale.
Fundin e keni afër.
