Data 22 qershor sigurisht se do të mbahet mend nga të gjithë ata që frymojnë shqip. Kjo për faktin se në ndeshjen Zvicër-Serbi ishin pikërisht lojtarët me prejardhje kosovare ata të cilët dhanë maksimumin dhe arritën suksese fantastike.
Por jo vetëm kaq, ajo çfarë ngriti në këmbë të gjithë ishin pikërisht dy lëvizjet më fantastike të Xherdan Shaqirit dhe Granit Xhakës të cilët vendosën të bënin shqiponjën në Botërorin 2018 në Rusi. Sigurisht se në ato momente atë natë rritën emocionet, krenarinë dhe gjithë dashurinë shqiptare për njëri-tjetrin.
Por kjo nuk përfundoj me kaq, pasi ishin serbët ata të cilët kërkuan që dyshja të dënoheshin mirëpo FIFA vendosi t’u jap një dënim i cili mund të mbulohet me para.
E mbrëmë ishin pikërisht pjesëtarët e Njësisë Speciale të Kosovës të cilët vendosën që të bënin të njëjtin veprim, të bënin shqiponjën krenare.
Në një fotografi të siguruar nga Indeksonline shihen pjesëtarë të shumtë të cilët pa dyshim pa asnjë mëdyshje bën shqiponjën, e që duken për mrekulli./Indeksonline/
