Kryetari i Gjilanit, Alban Hyseni, është njohur nga afër me rezultatet e kontrolleve shëndetësore sistematike që qyteti ka vazhduar edhe këtë vit në shkolla.
Për herë të parë, këto kontrolle janë zgjeruar edhe në çerdhe, parashkollore dhe institucionet private. Nga ekzaminimet janë identifikuar tre problematika kryesore te fëmijët: çrregullimet e boshtit kurrizor, vështirësitë me të pamurin dhe shqetësimet në të folur.
Statusi i plotë:
Kontrollat sistematike në shkolla
Edhe këtë vit kemi realizuar kontrollat sistematike shëndetësore për nxënësit tanë, një praktikë që e kemi zbatuar çdo vit prej se jemi në qeverisje.
Për herë të parë, këtë vit kontrollat janë zgjeruar edhe në parashkollor, çerdhe, si dhe në institucionet publike e private.
🔎 Nga ekzaminimet janë identifikuar tre problemet kryesore shëndetësore tek fëmijët:
1️⃣ Problemet me boshtin kurrizor
2️⃣ Vështirësitë me të pamur (sy)
3️⃣ Vështirësitë në të folur
Për t’i adresuar këto sfida, rekomandimet tona kryesore janë:
✅ Përdorimi i dollapëve individualë (të blerë 2 vite më parë) për nxënësit e klasave I–V, për të shmangur peshën e çantave.
✅ Kontrollimi i përdorimit të tepërt të telefonave.
✅ Shtimi i aktiviteteve fizike për fëmijët.
#përGjilaninqëduam
