Forcat e Armatosura të Gjermanisë do të vazhdojnë të shërbejnë në misionin e KFOR-it edhe për një vit.
Parlamenti gjerman ka vazhduar të enjten mandatin për misionin në KFOR dhe atë në Bosnje-Hercegovinë.
Pro votuan 383 deputetë, 192 ishin kundër e dy abstenuan.
Është viti i 27-të që ushtria gjermane do të qëndrojë në Kosovë. Bëhet fjalë për misionin më të gjatë ndonjëherë jashtë shtetit.
Gjermania i ka rreth 400 ushtarë në Kosovë.
Ndërkaq në Bosnje-Hercegovinë i ka rreth 50 ushtarë.
Qeveria e Gjermanisë ka parashikuar që kostoja për shërbimin të jetë rreth 35 milionë euro.
