Sot, më 13 qershor 2026, një grup çiklistësh nga Gjilani kanë nisur sfidën e jashtëzakonshme “Tour de Balkan 2026”, një udhëtim ambicioz prej 1300 kilometrash që do t’i çojë ata nëpër disa vende dhe peizazhe mahnitëse të Ballkanit.
Kjo aventurë sportive synon të promovojë çiklizmin, jetën e shëndetshme, frymën e bashkëpunimit dhe eksplorimin e bukurive natyrore e kulturore të rajonit. Gjatë këtij rrugëtimi, çiklistët do të përballen me sfida të ndryshme fizike dhe gjeografike, duke dëshmuar përkushtimin dhe pasionin e tyre ndaj këtij sporti.
Pjesëmarrës në “Tour de Balkan 2026” janë:
Memli Bajrami
Afrim Salihu
Fatmir Veseli
Bekim Bajrami
Fadil Robeli
Fadil Murati
Fadil Sherifi
Selami Grabovci
Sagvan Namoni
Valon Zylfiu
Nisma është përshëndetur nga komuniteti sportiv dhe qytetarët e Gjilanit, të cilët u kanë uruar çiklistëve rrugëtim të sigurt dhe suksese në realizimin e kësaj sfide mbresëlënëse.
“Tour de Balkan 2026” pritet të jetë një ndër ekspeditat më të veçanta të çiklizmit të organizuara nga sportistët gjilanas, duke promovuar jo vetëm sportin, por edhe vlerat e përkushtimit, disiplinës dhe miqësisë./Radio Star/
