Mbrëmë, në kuadër të agjendës zyrtare të Kamenica Summer Fest 2026, qindra qytetarë dhe sportdashës u mblodhën në sheshin “Metush Krasniqi” për ta ndjekur së bashku finalen e madhe të Kampionatit Botëror të Futbollit 2026.
Ndeshja u përjetua me emocione të forta, entuziazëm dhe atmosferë elektrizuese, ndërsa çdo aksion, çdo gol dhe çdo minutë u shoqëruan me duartrokitje e brohoritje deri në fishkëllimën e fundit të gjyqtarit. Mbrëmja dëshmoi edhe një herë se sporti ka fuqinë të bashkojë njerëzit dhe të krijojë momente të paharrueshme.
Kamenica Summer Fest 2026 vazhdon me një program të pasur aktivitetesh kulturore, sportive dhe argëtuese, duke i dhënë qytetit një atmosferë festive gjatë gjithë verës.
Organizatorët ftojnë qytetarët dhe vizitorët të bëhen pjesë e aktiviteteve që do të zhvillohen në ditët në vijim.
