Palma Mobilje, njëra ndër kompanitë e suksesshme në sektorin e prodhimit dhe tregtimit të mobilieve, po merr pjesë në Forumin B2B në Lozanë të Zvicrës, një ngjarje e rëndësishme për zhvillimin e bashkëpunimit afarist dhe krijimin e partneriteteve të reja ndërmjet bizneseve.
Pjesëmarrja në këtë forum përbën një mundësi të rëndësishme për Palma Mobilje që të prezantojë punën, përvojën dhe potencialin e saj në një mjedis ndërkombëtar, duke synuar zgjerimin e rrjetit të bashkëpunëtorëve dhe krijimin e mundësive të reja për zhvillim.
Me angazhimin dhe punën e saj në industrinë e mobilieve, Palma Mobilje vazhdon të dëshmojë rëndësinë e bizneseve që investojnë në zhvillim dhe synojnë të jenë pjesë e aktiviteteve që lidhin ndërmarrjet dhe tregjet ndërkombëtare.
Pjesëmarrja në Forumin B2B në Lozanë është një tjetër mundësi për kompaninë që të forcojë prezencën e saj në arenën ndërkombëtare dhe të hapë horizonte të reja për bashkëpunim e rritje të mëtejshme./Radio Star/
