Shkalla e papunësisë në Kosovë nuk po vazhdon të përmirësohet, tanimë të dhënat nga Agjencia e Statistikave të Kosovës bëjnë të ditur se shkalla e papunësisë është rritur.
Sipas ASK, të dhënat në tremujorin e dytë të këtij viti shkalla e papunësisë ka qenë 29.4 për qind, krahasuar me 26.5 për qind në tremujorin paraprak, shkruan gazetametro.net.
Sipas këtyre të dhënave, dy të tretat e popullsisë në Kosovë janë në moshë pune.
Papunësia më e theksuar paraqitet te femrat me 30.6 për qind krahasuar me meshkujt 29.1 për qind. Shkalla më e theksuar e papunësisë është te grupmoshat 15-24 vjeçare me 55.0 për qind”, thuhet në anketën e Agjencisë së Statistikave të Kosovës, e cila është realizuar me rreth 3,500 ekonomi familjare në gjithë territorin e Kosovës./gazetametro
