Policia e Republikës së Kosovës ka njoftuar se sot organizon konferencën, e cila i dedikohet gjendjes së sigurisë në trafik, masat e ndërmarra, bashkëpunimi dhe bashkërendimi i aktiviteteve me akterët tjerë, si dhe lansimin e projektit sensibilizues të titulluar “ Përqendrohu në Ngasje”.
Kjo fushatë e radhës është organizuar nga Divizioni i Komunikacionit Rrugor, e përkrahur dhe mbështetur edhe nga partnere të tjerë, e cila ka për qëllim senzibilizimin e pjesëmarrësve ne trafik, konkretisht mbi përqendrimin e shoferëve në ngasje të automjeteve, pasi një numër i lartë i aksidenteve fatale janë shkaktuar kryesisht nga shpërqendrimi në ngasje, e që ka rezultuar me vetë aksidente.
Në këtë konferencë përveç përfaqësuesve të PK-së, gjithashtu do të marrin pjesë edhe përfaqësues nga Ministria e Infrastrukturës, Federatës se Auto shkollave, AMRKS-së dhe Kolegji Tempulli./rtk/
