Pas vendimit të Qeverisë së Kosovës për taksën ndaj produkteve të Serbisë, ka filluar inspektimi i furrave të bukës në Kosovë. Kjo për shkak të shqetësimit të shprehur nga qytetarët se është rritur çmimi i bukës pavarësisht peshës së saj.
Në Prizren, janë gjobitur 3 furra, ndërsa në Prishtinë dhe Fushë Kosovë deri tash, janë gjobitur 7 furra.
Drejtori i Përgjithshëm i Agjencionit të Metrologjisë së Kosovës, Ferki Fejza thotë se vendimi i kontrolleve të furrave është marrë me 22 nëntor pas taksës ndaj produkteve të Serbisë. Thotë se do të vazhdojë aq sa është e nevojshme.
“Qëllimi i këtij vendimi ka qenë që të bëhet verifikimi i jashtëzakonshëm i disa bizneseve, në këtë rast furrave të bukës, për të vërtetuar se furrtarët a e nxjerrin bukën në treg ashtu siç e deklarojnë. Nëse në deklaracion në një furrë shënon që buka i ka 1 kilogram apo 400 gram, atëherë ne kemi për detyrë të verifikojmë nëse me të vërtet buka ka atë peshë”.
Në bazë të përgjigjes elektronike, Ministria e Tregtisë dhe Industrisë, thotë se ka arritur t’i kryejë rreth 100 kontrolle në furra të bukës, dhe disa nga ato janë gjobitur nëse nuk kanë pasur përputhje të peshës së bukës me çmimin e saj.
Në Prizren, janë gjobitur 3 furra, ndërsa në Prishtinë dhe Fushë Kosovë deri tash, janë gjobitur 7 furra.
Gjobat sipas kryeinspektorit, kanë arritur deri në shumën 1000 euro.
