Dy persona janë lënduar në një aksident trafiku që ndodhi sot në rrugën Prishtinë-Gjilan, në afërsi të Liqenit të Badovcit.
Aksidenti ka ndodhur rreth orës 12:30, ku janë përfshirë dy vetura.
Rastin për Insajderin e ka konfirmuar zëdhënësja e policisë për Rajonin e Prishtinës, Flora Ahmeti.
“Rreth orës 12:30 kemi pranuar informatën për një aksident trafiku në rrugën Prishtinë – Gjilan. Ne aksident kanë qenë të përfshira dy automjete. Si pasoje e aksidentit dy persona kane marrë lëndime trupore. Te njëjtit janë dërguar për trajtim mjekësor. Me rastin po merret njësiti i trafikut”, ka thënë Flora për Insajderin.
