Ish-kryeministri i Kosovës, Ramush Haradinaj ka vazhduar me deklaratat e tij emocionale nëpër tubime para elektoratit të tij, kështu ai sot ka thënë e Prishtinën dhe Gjilanin do ta fitojë koalicioni AAK-PSD, shkruan Gazeta Metro.
Haradinaj sot gjatë qëndrimit në Gjilan i emocionuar iu ka drejtuar ish-deputetit, Ahmet Isufi se do të fitojnë në këto zgjedhje në Gjilan dhe Prishtinë.
“Ahmet, ia vlen të fitojmë në Gjilan. Shpresoj që më 6 tetor, përveç në Prishtinë do të kthehemi edhe në Gjilan për të festuar. Urime fitorja!”, ka thënë Haradinaj.
Haradinaj, ka kërkuar që të përkrahet koalicioni AAK-PSD, pasi që sipas tij, vetëm Qeveria e tij mund t’i kryejë punët e nevojshme për Gjilanin dhe gjithë Kosovën.
