Nënkryetari i Komunës së Gjilanit, Arbër Ismajli , e ka ngushëlluar familjen Veseli me rastin e ndarjes nga jeta të nxënëses Vanesa Veseli nga Zhegra.
Postimi i plotë:
I trishtë është lajmi i ndarjes nga jeta të nxënëses Vanesa Veseli nga Zhegra! E nderuara familje e Vanesës, miq, shokë e kolektiv i shkollës fillore “Agim Ramadani”, pranoni ngushëllimet më të sinqerta, me rastin e vdekjes së hershme të Vanesës.
Me shumë dhimbje të thellë e pranuam këtë lajm dhe bashkëndiejmë dhimbjen për humbjen e madhe për familjen Veseli, për nxënësit e klasës dhe kolektivin e shkollës. Vanesën do ta kujtojmë përgjithmonë si nxënëse të suksesshme dhe një sportiste të dalluar, nga e cila pritej shumë.
Do të jetojë gjithmonë në zemrat tona.
U prehtë në paqe Vanesa.
Qoftë i përjetshëm kujtimi për të!
