Sot Ministria e Infrastrukturës dhe Ambientit ka anuluar tenderin 110 milionësh të shpallur pa miratim buxhetor në kohën e tranzicionit qeveritar.
Kështu ka njoftuar ministri, Lumir Abdixhiku përmes një postimi në “Facebook” ku është shprehur se me këtë vendim i kthehet ligjshmëria këtij procesi të rëndësishëm financiar për vendin. Abdixhiku ka thënë se “110 milionë euro s’mund të shpenzohen pa ligj; jo në këtë epokë të re qeverisëse”.
Më poshtë mund ta lexoni postimin e plotë:
Sot Ministria e Infrastrukturës dhe Ambientit ka anuluar tenderin 110 milionësh të shpallur pa miratim buxhetor në kohën e tranzicionit qeveritar. Me këtë vendim, ne i kthejmë ligjshmërinë një procesi të rëndësishëm financiar për vendin. 110 milionë euro s’mund të shpenzohen pa ligj; jo në këtë epokë të re qeverisëse.
Qeveria e re i siguron banorët e Anamoravës se projekti i autostradës Prishtinë-Gjilan vazhdon. Është prioritet i programit tonë. Javën që vjen do t’i vizitoj punimet e deritanishme që duket se kanë mbetur prapa në kohë. Do t’i japim ritëm të ri.
