Edhe Shqipëria ka shënuar raste të prekura me koronavirus, përhapja e të cilit po rrezikon edhe Kosovën. Institucionet në vend kanë shtuar masat për t’u mbrojtur nga ai.
Koronavirusi tashmë ka mbërritur edhe në Shqipëri, ku gjatë mesnatës të ditës së diel u konfirmuan dy rastet e para të prekura me të, derisa vazhdojnë dyshimet edhe për raste të tjera. Paraqitja e rasteve të infektuara me koronavirus në Shqipëri ka shtuar frikën te qytetarët në vend. Raste të dyshuara me këtë virus ka pasur gjatë ditës së djeshme edhe në Kosovë. Dy vajza, njëra e moshës 23-vjeçare dhe tjetra 20-vjeçare, të ardhura nga Italia janë shtrirë në Klinikën Infektive të Qendrës Klinike dhe Universitare të Kosovës për shkak të dyshimeve se mund të jenë të prekura me koronavirus, ndërsa edhe tre persona të tjerë u dyshuan të jenë të prekur me të. Rezultatet e analizave të bëra treguan se asnjëri nga këta pesë persona nuk është i infektuar./zeri/
