Ndonëse nuk ka asnjë rast zyrtar të konfirmuar me koronavirus në Kosovë, Qendra Kryesore e Mjekësisë Familjare në Viti, ka pranuar dy pacientë që dyshohet se kanë simptomat e koronavirusit, transmeton Plus TV.
Drejtoresha e QKMF-së Vjollca Kadolli e ka konfirmuar këtë dyshim për Plus TV, ku sipas saj dy pacientët e dyshuar janë dërguar drejt Klinikës Infektive në Prishtinë.
“Kemi pas dy rast te dyshuar..dhe duhet me prit rezultatin”, tha ajo.
Kurse, Drejtori i Spitalit për rajonin e Gjilanit, Nysret Hajrullahu, ka thënë për media se drejt Klinikës Infektive në Prishtinë janë dërguar me urgjencë tre pacientë të dyshuar me koronavirus të këtij rajoni.
Ndryshe, bëhet e ditur së në Klinikën Infektive, janë mbi 10 persona të dyshuar me koronavirus e sipas informacioneve të fundit, rezultatet e këtyre pacientëve pritet të dalin gjatë ditës së sotme./PlusTv/
