INFORMATA SHTESË:
UDHËZUES për bizneset për masat që duhet të ndërmerren për parandalimin e koronavirusit
[1] Masat brenda lokalit: të merren masa higjienike, të dezinfektohet, punonjësit të pajisen me pajisje personale mbrojtëse (sipas udhëzimit të Ministrisë së Shëndetësisë), të sigurohet që në secilin moment brenda lokalit të ketë maksimalisht aq njerëz, sa të mund të mbahet distanca minimale prej një metër në mes të njerëzve.
[2] Përveç kafeneve, bareve, pubeve, restoranteve, qendrat tregtare (përjashtuar farmacitë dhe marketet brenda tyre), tregjet e kafshëve dhe automjeteve, operatoret tjerë mund të punojnë.
GJITHSESI TË SIGUROHEN SE KUSHTET E PIKËS 1 JANË TË PLOTËSUARA!
Pazaret, çarshitë dhe tregjet konsiderohen si qendra tregtare dhe mbyllen, si të jenë Qendra Tregtare;
Hotelet duhet t’i mbyllin operacionet e gastronomisë (restorantet, bufetë, etj.) Mysafirët do të shërbehen me ushqim në dhomë. Hoteli duhet të sigurojë se i ka të dhënat e sakta të mysafirëve, vendin prej kah kanë ardhur dhe se do të ndërmarrë masa konform udhëzimeve të Ministrisë së Shëndetësisë;
Gjithashtu, kompanitë specifike (shërbime komunale, financiare, komunikime elektronike) mund të ofrojnë shërbime deri në një masë të domosdoshme, por me orar e staf të reduktuar. Paraprakisht, duhet të sigurohen se një pjesë të operacioneve i kanë kaluar në kanale elektronike.
GJITHSESI TË SIGUROHEN SE KUSHTET E PIKËS 1 JANË TË PLOTËSUARA!
[3] Operatorët ekonomikë me ofertë mikse: shitje dhe shërbim, psh: furrë buke (shet gatojca dhe i shërben të njëjtat brenda lokalit); byrektore (shet dhe shërben); qebaptore, pastiqeri, gjellëtore, e ushqimore tjera.
Ndërsa, pikat e karburantit (shesin karburant, lubrifikantë, pajisje përcjellëse, por edhe kanë kafene e gjellëtore); auto-larje, e raste të ngjashme, që edhe shesin produkte, por edhe shërbejnë duhet vetëm të shesin, kurse shërbimi i pijeve e ushqimeve duhet të ndalohet!
GJITHSESI TË SIGUROHEN SE KUSHTET E PIKËS 1 JANË TË PLOTËSUARA!
Personat përgjegjës të operatorëve ekonomikë obligohen që brenda objektit afarist të sigurojnë që distanca në mes personave prezentë në lokal të jetë së paku 1 metër, personat tjerë duhet të lihen jashtë dhe të presin në radhë.
[4] Prodhuesit dhe ndërtimtarët mund të mos e ndalojnë prodhimin, por detyrimisht të marrin masa të organizimit në punë si: ndërrime (turne) për të reduktuar numrin e njerëzve që qëndrojnë në prodhim dhe të sigurohet distanca minimale prej 1 metër gjatë gjithë kohës.
Ndalohet qëndrimi i personave të tjerë në lokalet afariste, përveç shitësit dhe blerësve. Personat përgjegjës të operatorit ekonomik obligohen që brenda objektit prodhues e fushës së ndërtimit të sigurojnë që distanca në mes personave të jetë së paku 1 metër.
Web faqja e MEPTINIS-it ku mund t’i gjeni informatat më të reja: https://mti.rks-gov.net/Page.aspx?id=1,3,880
