Ministri i Shëndetësisë Armend Zemaj, në mbledhjen e qeverisë të mbajtur sot ka propozuar heqjen e kufizimit të lëvizjes për qytetarët që ishte nga ora 21:00 deri në orën 05:00 të mëngjesit.
Kjo do të vlejë nga e hëna me datën 08 qershor.
Me këtë rast Zemaj tha se qytetarët që hynë nga pikat kufitare nuk do t’i nënshtrohen masave të vetizolimit për shtatë ditë.
Ai theksoi se në vend të kësaj ata do t’i nënshtrohen kontrollave të ekipeve mjekë në kufij.
I pari i Shëndetësisë shtoi se janë në pritje të protokolleve të reja të Organizatës Botërore të Shëndetësisë.
Ndër të tjera, Zemaj falënderoi mjekët, vullnetarët, policinë, doganierët, FSK-në dhe kryetarët e komunave për menaxhimin e situatës me pandeminë.
Propozimi i ministrit Zemaj u votua nga kabineti qeveritar.
