Aeroporti Ndërkombëtar i Prishtinës “Adem Jashari” ka njoftuar se nga data 28 Qershor 2020, lejohet operimi i plotë i fluturimeve të rregullta.
Në njoftimin e tyre thuhet se për informacione shtesë qytetarët të kontaktojnë kompanitë ajorore.
ANP “Adem Jashari” ka rikujtuar se ka qenë gjithmonë i gatshëm të operoj por situata ishte e tillë.
Njoftimi:
Të nderuar udhëtarë,
Me kënaqësi, ju informojmë se nga data 28 Qershor 2020, lejohet operimi i plotë i fluturimeve të rregullta në Aeroportin Ndërkombëtar të Prishtinës “Adem Jashari” LKIA.
-Nga tani e tutje, për orar të fluturimeve, ju lusim t’i referoheni faqes sonë zyrtare ëëë.airportpristina.com
-Për bileta dhe informacione shtesë, për fluturimin tuaj, qëndroni në kontakt me kompanitë ajrore.
-Për dokumente udhëtimi, ju lusim të kontaktoni me autoritetet relevante siç janë zyret e Ambasadave të Huaja në Kosovë, Ministria e Punëve të Brendshme etj.
-Ju lusim t’i përmbaheni udhëzimeve për masat e sigurisë së udhëtimit, në mënyrë që fluturimi i juaj të realizohet me kohë dhe i sigurtë, (veprimet që duhet ndërmarrë nga ana juaj, janë të publikuara si në faqen tonë zyrtare, poashtu edhe në rrjetet sociale.
Ju kërkojmë ndjesë për pakënaqësitë e shkaktuara gjatë muajve të kaluar edhe pse ANP ‘Adem Jashari’ LKIA, ka qenë gjithmonë i gatshëm të operoj.
Ju falenderojmë për mirëkuptimin tuaj dhe ju urojmë shëndet!
MIRESEVINI!
