Derbi i Anamoravës, Drita – Gjilani me 6 gjyqtarë

Kampionati elitar në futbollin kosovar ka hyrë në fazën finale, teksa kanë mbetur edhe tri xhiro për t’u mbyllur ky edicion.

- Advertisement -

Ndeshjet ndërmjet rivalëve direkt për titullin kampion do të nisin që nga xhiroja e 31-të, teksa takohen Drita – Gjilani dhe Ballkani – Prishtina.

Gazeta “Sheshi” merr vesh ekskluzivisht që në këto përballje do të delegohen gjashtë gjyqtarë, duke përfshirë edhe ata prapa portave, njësoj sikurse edicionin e kaluar.

Gjashtë gjyqtarë do të jenë edhe në sfidat kryesore të xhiros së 32-të dhe xhiros së 33-të, ndërkohë që delegimi i ‘këmishzinjëve’ do të bëhet para ndeshjeve.

- Advertisement -

Gjyqtarët prapa portave do të jenë risi për ndeshjet më të rëndësishme të kampionatit, derisa do të delegohen për të dytin vit më radhë, pas ndeshjeve vendimtare në edicionin e kaluar.

Gjithsesi, mbetet për t’u zyrtarizuar gjithçka nga FFK gjatë ditëve në vazhdim.

Gazeta “Sheshi” ju sjell edhe njëherë tjetër orarin e këtyre xhirove:

Xhiro 31

Drenica – Vushtrria
Ferizaj – Dukagjini
Trepça ’89 – Llapi
Flamurtari – Feronikeli
Ballkani – Prishtina
Drita – Gjilani

Xhiro 32

Drita – Drenica
Gjilani – Ballkani
Prishtina – Flamurtari
Feronikeli – Trepça ‘89
Llapi – Ferizaj
Dukagjini – Vushtrria

Xhiro 33

Drenica – Dukagjini
Vushtrria – Llapi
Ferizaj – Feronikeli
Trepça ’89 – Prishtina
Flamurtari – Gjilani
Ballkani – Drita

Kujtojmë që finalja e DigitAlb Kupës së Kosovës ndërmjet Ballkanit dhe Prishtinës do të zhvillohet më 29 korrik.