Kuvendi Komunal i Gjilanit, në seancën e sotme, të kryesuar nga Shpresa Kurteshi – Emini, ka shqyrtuar dhe miratuar propozimin për emërimin e nënkryetarit të Komunës për komunitete, zgjedhjen e zëvendës kryesuesit të Kuvendit të Komunës për komunitete, si shenjë e vullnetit të mirë ndaj komuniteteve, ndonëse ato nuk përbëjnë 10 për qind të numrit të përgjithshëm të popullsisë.
Me 15 vota për dhe 4 kundër, Kuvendi votoi për emërimin e Kadir Hyseinit për nënkryetar të Komunës, ndërsa zëvendës kryesuesi i Kuvendit për komunitete, Milivoje Stojanoviq u zgjodh me 15 vota për dhe 10 kundër.
