Kuvendi i Kosovës sot pritet të mbajë seancë të jashtëzakonshme, shkruan Gazeta Metro.
Kjo seancë është paralajmëruar nga kryetari i i grupit parlamentar të LDK’së, Arben Gashi, përmes një postimi në Facebook.
Gashi tha se Kuvendi do mbajë sont seancë të jashtëzakonshme, për lejimin e angazhimit të Ushtrisë së Kosovës në Misione Paqeruajtëse në kuadër të ushtrive më të fuqishme të botës.
Sipas tij çdo ushtar i Kosovës do e nderojë atdheun dhe do kthehet faqebardhë.
‘’ Grupi Parlamentar i Lidhjes Demokratike të Kosovës e mbështetë kërkesën e Qeverisë që Parlamenti të mbajë, sot, seancë të jashtëzakonshme, për lejimin e angazhimit të Ushtrisë së Kosovës në Misione Paqeruajtëse në kuadër të ushtrive më të fuqishme të botës’’, shkroi Gashi.
Ky është postimi i plotë:
‘’ E nisim vitin me një lajm fantastik!
Grupi Parlamentar i Lidhjes Demokratike të Kosovës e mbështetë kërkesën e Qeverisë që Parlamenti të mbajë, sot, seancë të jashtëzakonshme, për lejimin e angazhimit të Ushtrisë së Kosovës në Misione Paqeruajtëse në kuadër të ushtrive më të fuqishme të botës.
Jemi të bindur se secili ushtar i Kosovës do ta nderojë atdheun dhe flamurin tonë, dhe Kosovës do t’i kthehet faqebardhë!’’.
