Nënkryetari i komunës së Gjilanit, Arbër Ismajli jo rrallë herë ka ngrehur zërin kundër Qeverisë përkatësisht Ministrisë së Shëndetësisë kur ato, sipas tij, nuk e kanë përfillur interesin qytetar, të biznesit, e në veçanti të gastronomeve, me rastin e shtimit të rigorozitetit të masave anticovid.
Shkrimi i plotë:
“Qeveria në detyrë duhet të bëhet më serioze dhe të shkojë më faqebardhë nga verdikti final i sovranit. Ministria e Shëndetësisë, nuk duhet t’i pengojë edhe më tutje gastronomët, bizneset dhe qytetarët, sidomos pas gjendjes shkatërruese socio-ekonomike nga pandemia. Politikanët tanë nuk duhet vënë represion ndaj këtyre kategorive, e sidomos ndaj gastronomëve, sepse presioni i bizneseve dhe qytetarëve është akumuluar pas grumbullimeve të thirrura nga vetë grupet politike nëpër fushatë”, ka thënë nënkryetar Ismajli.
