Kryetari i Gjilanit, Lutfi Haziri, përmes një postimi në facebook, ka thënë se lajmi i mirë është që lakorja e infeksionit me #COVID19 në Gjilan ka rënie të madhe.
Haziri ka apeluar qytetarët ta ruajnë vetën dhe familjen, përmes bartjes së maskave, mbajtjes së distancës e higjienës personale.
Shkrimi i plotë:
Lajmi i mirë është që lakorja e infeksionit me #COVID19 në Gjilan ka rënie të madhe. Por, deri në vaksinim, duhet të vazhdojmë t’i zbatojmë masat kundër përhapjes së këtij virusi, i cili është në mesin tonë. Ruajeni vetën dhe familjen tuaj, përmes bartjes së maskave, mbajtjes së distancës e higjienës personale.
Pasqyra e përgjithshme në Gjilan që prej fillimit të pandemisë është si vijon: nga 20738 mostra, 6326 kanë rezultuar pozitivë, 6047 janë shëruar, 140 qytetarë e kanë humbur betejën me virusin, 139 raste janë aktive, të hospitalizuar me COVID janë 29 dhe 64 mostra në pritje për rezultat.
