Instituti Hidrometeorologjik i Kosovës paralajmëron se situatë pothuajse të ngjashme meteorologjike sikurse ditët e fundit do të vijojë edhe për gjatë këtyre pesë ditëve të ardhshme.
Kjo gjendje meteorologjike do të vazhdojë edhe gjatë dhjetëditëshit të parë të muajit korrik.
Të premten parashihet të ketë ulje të përkohshme në fushat barike por edhe në ato termike dhe për pasojë pritet ndryshim i përkohshëm i motit, i cili parashihet të shoqërohet me riga shiu dhe shkarkime rrufesh.
Temperaturat minimale do të lëvizin ndërmjet 15-18 gradë celsius, ndërsa maksimalet e ditës parashihen të lëvizin ndërmjet 31-37 gradë celsius. Do të fryjë erë nga drejtimi i verilindjes dhe jugperëndimit me shpejtësi 1-11 m/s.
