FC Drita është një ndër skuadrat më aktive në afatin kalimtar të verës.
Skuadra nga Anamorava deri më tash ka arritur që t’i transferojë disa futbollistë shumë cilësor si Muharrem Jashari, Arbnor Muja (Trepça ’89), Marko Simonovski e Prince Balde (Feronikeli) ndërkohë që “merkato” për ekipin e drejtuar nga trajneri Ardian Nuhiu duket se nuk ka përfunduar.
“Zëri.info”, ka raportuar se Klubi “bardhekaltër” gjatë fazës përgatitore në Ohër të Maqedonisë e Veriut, e ka testuar futbollistin e ri maqedonas, Jani Atanasov.
Gazeta mëson se palët kanë arritur edhe marrëveshje sa i përket kushteve financiare ndërkohë që prezantimi i tij pritet që të bëhet në ditët në vijim.
Jani Atanasov luan si mesfushor defanziv derisa së fundmi ka qenë pjesë e skuadrës së madhe kroate, Hajduk Split.
21-vjeçari në karrierën e tij ka luajtur edhe për Bursasporin në Turqi dhe Akadimja Pandev në Maqedoninë e Veriut.
Atanasov ka qenë pjesë e grupmoshave të reja të Maqedonisë së Veriut, U17, U19 dhe U21.
Kujtojmë se Drita në këtë verë është e angazhuar edhe në garat evropiane derisa ndeshjen e parë në Conference League e ka zhvilluar ndaj Deçiçit të Malit të Zi ku ka fituar në Prishtinë me rezultat 2:1.
Takimi i kthimi zhvillohet javën që vjen në Podgoricë.
