Qeveria e Kosovës dhe ajo e Shqipërisë po nënshkruajnë sot marrëveshjet e dakorduara.
Njëra nga to është edhe kalimi i kufirit pa ndalesa dhe kontrolle fizike.
Nga qeveria e Shqipërisë bënë të ditur se nga viti i ardhshëm kontrollet do të bëhen vetëm përmes kamerave.
Pra, kamerat e vendosura në pikat kufitare do të pikasin targat e çdo automjeti që kalon nga një shtet në tjetrin.
Kryeministri i Shqipërisë, Edi Rama u bëri thirrje institucioneve të sigurisë që të kujdesen për implementimin e kësaj marrëveshjeje.
“Do të mundësohet kalimi i kufirit pa ndalesë. Iu takon agjencive të sigurisë që të ndjekin çdo rast problematik bazuar në kamerat. Është një histori shumë e vjetër dhe shumë e lodhshme për njerëzit sepse e kanë kërkuar qysh moti. Mbetet pra vetëm që të realizohet”, tha Rama.
