Në një aksion të rëndësishëm të Prokurorisë Themelore në Prishtinë, janë bllokuar 24 prona në Prishtinë, Graçanicë dhe Novobërdë, si dhe 11 vila, si pjesë e hetimeve të vazhdueshme kundër një të dyshuari për mashtrim dhe shmangie nga tatimi.
Kjo masë, e marrë për të parandaluar përdorimin ose shitjen e pasurive të dyshuara se janë përfituar në mënyrë të paligjshme, përfshin prona me një sipërfaqe të përgjithshme prej 55,687 metra katrorë dhe një vlerë që shkon në qindra mijëra euro.
Kjo është një përpjekje e qartë për të luftuar krimin financiar dhe korrupsionin në vend, duke theksuar përkushtimin e institucioneve ligjzbatuese në ndjekjen e rasteve të tilla.
“Prokuroria Themelore në Prishtinë në vazhdën e veprimeve hetimore në çështjen penale kundër të pandehurit G.G për veprën penale “Mashtrimi”, nga neni 323 par 4 dhe “Shmangia nga Tatimi”, nga neni 307 të Kodit Penal të Republikës së Kosovës ka nxjerrë vendim për ndalimin e përkohshëm të 24 pronave të paluajtshme dhe 11 objekteve (villa), për të cilat ka dyshim të bazuar se janë përfituar me vepër penale. Vlera e pasurisë së bllokuar llogaritet të jetë qindra mijëra euroshe dhe sipërfaqja totale e pronave të bllokuara përkohësisht është 55687 metra katrorë. Prokurori i Shtetit mbetet i përkushtuar në zbatimin e Ligjit dhe ndjekjen penale të kryesve të veprave penale”, thuhet në njoftim.
