Kryetarja e këshillit në nivel komunal Drita Kallaba perkrah fuqishëm iniciativen këshillit te prinderve të shkolles “Selami Hallaqi”
Drejtuar : Ministrisë së Arsimit dhe Shkencës e Teknologjisë nga këshilli prindëror
Kjo është letra derguar Ministrisë së Arsimit dhe Shkencës e Teknologjisë
Për dijeni: SBASHKU ,SIA ( Sektorët e Inspeksionit Arsimor )
Kërkesë
Kryesia e Këshillit prindëror të shkollës fillore dhe të mesme të ulët ”Selami Hallaqi” ne Gjilan, dhe në konsultimet e vazhdueshme edhe me Kryetaren e Këshillit të Prindërve të komunës së Gjilani znj. Drita Kallaba e kemi marrë mbështjetjen e fuqishme nga autoriteti i saj institucional-shoqëror , në mbledhjen e fundit mori një vendim që t’ i drejtohet të gjithë faktorëve relevant (MASHT,SBASHK,SIA) për jetën edukative-arsimore me një shqetësim dhe indinjatë rreth formës së grevës së mësimdhënësve që tani më është bërë e përsëritshme dhe më tej e përshkallëzuar me ndërprerje të procesit mësimorë të sugjeruar dhe të shtyrë nga SBASHK-u (që ne gjithashtu besojmë se edhe këta të fundit kanë ngritur shqetësime të drejta, korrekte dhe që mendojmë se kjo agoni duhet të zgjedhet në vazhdën e problemeve të mbrendshme të organeve kompetente si Ministria e Arsimit por jo edhe me këtë formë greve të vrazhdë kur dihet mirëfilli se dëmtojnë mësimnxënjen , kur dihet se mund të jenë shumë më kreativ në forma të tjera).
Çdo grevë nënkupton mohimin e disa shërbimeve për ata që përdorin shërbimet e kërkuara të caktuara , dhe për këtë as sistemi i arsimit nuk është i përjashtuar në këtë drejtim.Prandaj mohimi i shërbimit në arsim do të thotë mohimi i një të drejte elementare të nxënësve për edukim të mirëfilltë e cilësorë. Është e rëndësishme të theksojmë se ne kërkojmë dhe duam që interesat afatgjata të fëmijëve tanë në procesin e edukimit dhe arsimimit të tyre të mbrojtura me ligj të mbrohen në çdo kohë e rrethanë , e këtë të drejtë për arsimim sa më të mirë dhe cilësorë në institucionet arsimore që ato mund të japin ta ushtrojnë në plotni. Ky aspekt i mbrojtjes së të drejtave të nxënësit apo fëmijëve në jetën publike në disa raste po lihet pas dore dhe po nënvlerësohet e fatkeqësisht ky trend edhe po vazhdon kohëpas kohe.
Jemi të vetëdijshëm se të drejtat e mësimdhënësve duhet të mbrohen gjithashtu me ligj por jemi kundër çdo lloj greve e cila ka pasoja të pariparueshme nga ngecjet dhe humbjet e orëve për nxënësit ku dihet mirëfilli se nëse ndërpritet vijushmëria e mësimnxënjes atëhere gjithashtu ulet edhe cilësia e edukimit dhe mësimnxënja vihet në pikëpyetje.
Me respekt
Dr. Ardian Emini
Kryetar i Këshillit të Prindëve
Shkolla Fillore dhe të Mesme të ulët ”Selami Hallaqi” në Gjilan
