Kanë ngelur edhe gjashtë xhiro deri në fund të Kampionatit në Superligën e Kosovës në futboll, kurse gara se kush do të bëhet kampionë është shumë e nxehtë, shkruan kryelajmi.com.
Ballkani, Llapi e Drita po garojnë gati se me gjasa të barabarta për titull kampioni.
Qysh në xhiron e radhës pozitat në tabelë mund të ndryshojnë, ngase të tre pretendentët i pret një detyrë shumë e vështirë.
Ballkani, që është i pari në tabelë i shkon Gjilanit, ekip që shumë vështirë po fiton, por edhe vështirë po i humb ndeshjet. Gjilanit i janë pikët shumë të nevojshme, ngase me mish e me shpirt po lufton për t’i ikur barazhit, ngase atë hap pas hapi po e ndjek Feronikli ’74.
Edhe Llapin e pret një detyrë shumë e vështirë, ngase i shkon Prishtinës, e cila daljen në Evropë po e kërkon nëpërmjet Kupës së Kosovës, garë në të cilën qysh të mërkurën do të përballet me Dritën. Ndryshe, Prishtina luajti shumë mirë ndaj Malishevës, të cilën e mposhti në fushë të vet, andaj edhe me Llapin pritet ndeshje shumë interesante.
Nga të gjitha ekipet që synojnë titullin, Drita në dukje ka punën më të lehtë, ngase përballet me Dukagjinin. Klinasit dështuan keq fundjavën që shkoi, ngase nuk i dolën që të mposhtin Lirinë e çregjistruar, andaj tash e kanë të rrezikuar mbijetesën. Ndryshe, Drita është në formën më të mirë të saj dhe pos fitores, çdo rezultat tjetër do të ishte një hap mbrapa në luftën për titull:
Drita, Llapi dhe Ballkani deri në fund do t’i zhvillojnë këto ndeshje:/Kryelajmi.com/
Orari i Dritës deri në fund
Dukagjini – Drita
Drita – Fushë Kosova
Prishtina – Drita
Drita – Feronikeli 74
Gjilani – Drita
Drita – Malisheva
Orari i Llapit deri në fund
Prishtina – Llapi
Llapi – Feronikeli
Gjilani – Llapi
Llapi – Malisheva
Llapi – Ballkani
Liria – Llapi
Orari i Ballkanit deri në fund
Gjilani – Ballkani
Ballkani – Dukagjin
Malisheva – Ballkani
Ballkani – Fushë Kosova
Llapi – Ballkani
Ballkani – Prishtina
