Kryetari i Aleancës për Ardhmërinë e Kosovë, Ramush Hradinaj, përkujtuar sot përvjetorin e 27-të të rënies së Mujë Krasniqit-Kapuçit dhe 41 dëshmorëve të tjerë të Ushtrisë Çlirimtare të Kosovës.
Haradinaj, përmes një postimi në ‘Facebook’, ka vlerësuar figurën e Mujë Krasniqit, si një ndër themeluesit e parë të celulave të Ushtrisë Çlirimtare të Kosovës, krah për krah me Shkëlzenin, Luanin, Dautin e Ali Krasniqin në betejat më të rënda për liri.
“Muja, me 41 viganë të UÇK-së, ra në male duke mbrojtur pragun e shtëpisë dhe nderin e atdheut. Krah për krah, pa iu trembur syri e të palëkundur, u përjetësuan në historinë e lavdishme të luftës sonë çlirimtare’, ka shkruar Haradinaj.
Ai tutje ka vënë në dukje se në përvjetorin e rënies së tyre, 20 vjet më vonë, amaneti u çua në vend, u themelua Ushtria e Kosovës, duke jetësuar ëndrrën tonë të kamotshme.
“Aty ku jehuan krismat e pushkëve të Mujës me shokë e shoqe, aty u këndua kënga e lirisë. Krisma dhe këngë u bënë një për Kosovën e lirë. Rroftë Ushtria Çlirimtare e Kosovës. I përjetshëm qoftë kujtimi për dëshmorët e saj. Lavdi!”, ka shkruar Haradinaj.
