Ekspedita e Kosovës në Mont Blanc-Francë
Nën organizmin dhe udhëheqjen e Klubit Alpin Prishtina-Sektori i Alpinizmit dhe me përkrahjen e ekipit të FSK-së ky grup i vajzave dhe djemve nga Kosova janë në përgatitjet finale për ngjitjen në kulmin e Evropës Perendimore, Mont Blanc 4810 m/lmd.
Kampet e aklimatizimit dhe testimit të pajisjeve kanë rezultuar të suksesshme, ndërsa kushtet klimaterike janë duke u përmirësuar.
Ngjitja finale drejt majes së akullt do të fillojë në orët e para të mëngjesit të datës 03 Gusht; dukë shënuar kështu kulmin e përpjekjeve disa mujore të antarëve të Ekspeditës.
Kjo Ekspeditë e përfaqëson Kosovën në këtë nivel të ngjitjes, ndërsa vet grupi është i pasuruar me njerëz të mrekullueshëm, plot përmbajtje dhe ëndrra, plot guxim dhe përgjegjësi, si dhe me shumë shpresë për të ardhmen e bukur që i pret.
Jemi të sigurt që ky grup i njerëzve tanë në Alpe është mesazh i bukur për njerzit tanë kudo që janë; e vet ngjitja dhe përpjekja përçon shpresë dhe sens sportiv te të gjithë njerzit në Kosovë.
Gjithnjë krenar dhe falënderues ndaj shtetit të Kosovës dhe të gjithë përkrahësve të ekspeditës.
