Kryetari i Komunës së Kamenicës Kadri Rahimaj me bashkëpunëtorë kanë pritur në takim Ministren e Industrisë, Ndërmarrësisë dhe Tregtisë Rozeta Hajdari.
Ministrja Hajdari ka njoftuar Kryetarin Rahimaj për reformën e re rreth parqeve industriale dhe teknologjike e inkubatorëve të biznesit në profile të ndryshme të cilat përqafojnë shërbimet që mbulojnë nevojat e industrisë.
Kryetari Rrahimaj, prezantoi planet dhe progresin e arritur drejt zhvillimit të një inkubatori të biznesit në Komunën e Kamenicës.
Në këtë takim, u theksua rëndësia e bashkëpunimit në mes të institucioneve qendrore dhe atyre lokale, për të ndihmuar zhvillimin ekonomik të Komunës së Kamenicës.
