Kryetari i LDK-së, Isa Mustafa ka përkujtuar Dr. Xhavit Ahmetin, në 22 vjetorin e vdekjes së tij.
“Xhavit Ahmeti ishte intelektual, personalitet me virtyte të larta politike dhe kulturore dhe politikan i mençur i cili në kohë të vështira të Kosovës dha kontribut të madh për arsimin shqip, shkencën dhe politikën.
Vdekja e Xhavit Ahmetit, veprimtarit të dalluar që e donte shumë Kosovën, ka lënë zbrazëti në proceset e shtet-ndërtimit të Kosovës”, thuhet në njoftimin për media.
Ai punoi shumë dhe dha gjithçka për Kosovën pa u dorëzuar në asnjë moment. Xhavit Ahmeti humbi jetën tragjikisht më 21 nëntor 1996.
