Nesër garon kampionia olimpike e ”Rio 2016”, Majlinda Kelmendi.
Pas suksesit të jashtëzakonshëm të Distria Krasniqit, e cila e fitoi medaljen e artë në kategorinë deri në 48 kilogramë në Lojërat Olimpike “Tokio 2020”, një tjetër medalje olimpike mund të vijë nesër për Kosovën nga xhudistja Kelmendi.
Kelmendi do të garojë në kategorinë deri në 52 kilogramë, teksa garimin e nis nga ora 04:00 pas mesnate, me kohën tonë lokale.
Majlinda Kelmendi në raundin e parë do të takohet me hungarezen Reka Pupp.
