Sulmuesi i talentuar nga Kosova i kushtoi më shumë se shtatë milionë euro ish-kampionëve të Gjermanisë.
Ai ka shkruar një letër të gjatë duke falënderuar të gjithë në klubin e Vitesses por edhe tifozët verdh e zi.
“Unë jam duke i shikuar dy vite e gjysmë të mrekullueshme me të gjithë ju. E mbaj mend ditën time të parë në qytetin e juaj të bukur. Gjithmonë së bashku me shokët e mi me krenari kemi dhënë gjithçka nga vetja për klubin dhe tifozët”, tha ndër tjera Rashica.
“Ishte e pabesueshme kur arritëm të marrim Kupën ‘KNVB Beker’, isha shumë i lumtur me të gjithë ju”, vazhdoi tutje Miloti.
“Werder më kërkuan shumë të luaja me ta dhe më duhej ta merrja një vendim shumë të vështirë”.
“Qëllimi i një sportisti duhet të jetë për ta arritur maksimumin, aq sa është e mundur. Ardhja e një shansi për të luajtur në Bundesliga me Werder Bremen është thjesht një mundësi e madhe”, shkroi Rashica.
