Gjatë mandatit dyvjeçar të kryetarit të Komunës së Gjilanit, z. Alban Hyseni, është vërejtur një përpjekje për të shpërqendruar vëmendjen e opinionit publik, duke pretenduar se opozita po e pengon në realizimin e projekteve të shumta për qytetin. Megjithatë, është e qartë se shumë prej këtyre problemeve lidhen drejtpërdrejt me keqmenaxhimin e buxhetit dhe vonesat e shumta në realizimin e projekteve, për të cilat është përgjegjës vetë z. Hyseni.
Për ta ilustruar këtë, po përmendim disa projekte të rëndësishme dhe keqmenaxhimet përkatëse:
1.Traseja e rrugës për fshatin Sefer
•Vlera e planifikuar: 230,000.00€
•Vlera në kontratë: 298,731.15€
•Ky tejkalim është bërë pa ndjekur procedurat ligjore dhe pa transparencë.
2.Mosrregullimi i çatisë në palestrën e Zhegrës.Ministria kishte ndarë 270,000.00€ për rregullimin e çatisë, por puna nuk është realizuar.
3.Rruga Gjilan – Livoç – Kllokot
Gjendja e kësaj rruge është e mjerueshme.Rruga është asfaltuar dy herë, por për shkak të cilësisë së dobët të punimeve, ministria tani pretendon për asfaltimin e pjesës së tretë, që ende nuk është realizuar.
4.Neglizhenca e rrugës Kumanovë – Zhegër
Ky segment ka mbetur pa u rregulluar, duke krijuar probleme për banorët e zonës.
5.Largimi i segmentit të 8 nga plani i projektit nga Ura Kryesore te rruga e Zhegrës në drejtim të fshatit Nasal.Një tjetër shembull i vendimeve që nuk janë në interes të qytetarëve dhe nuk janë realizuar sipas planifikimeve.
6.Mos ekzekutimi i subvencioneve për organizatat si Hendikos, Poema, etj.
Kryetari Hyseni ka bërë kalkulime të shumave jashtë planifikimit të tij, duke i përdorur këto fonde për qëllime politike dhe jo për mbështetjen e organizatave.
Për të mbuluar këto dështime dhe vonesa, z. Hyseni po luan rolin e viktimës, duke akuzuar opozitën për pengesa të pamerituara. Megjithatë, problemi kryesor qëndron te keqmenaxhimi i projekteve dhe mungesa e transparencës.
Me respekt,
Këshilltari Komunal nga LDK, Muhahadin Haziri
