Kishte pranuar një telefonatë me urgjencë nga Jashanica e Klinës.
Kësisoj, Hysni Rexha, u nis menjëherë për në vendin e ngjarjes.
E më të arritur aty, Rexha iu përvesh punës për atë çfarë ishte thirrur.
Raste të tilla kur Rexha largon gjarpinjtë nga shtëpitë e banuara me njerëz, janë shpeshtuar këtë verë.
Por, çfarë duhet të veprojë dikush, nëse e sheh një të tillë në oborrin a shtëpinë e tij?
Ndërkohë, kishte raste, kur edhe vet Hysni Rexha u kafshua gjatë largimit të tyre.
E nëse dikush ka fatin e njëjtë me të, serum kundër helmimit nga gjarpinjtë, nuk mund të gjenden ne QKMF-në kryesore në Prishtinë.
Ndërkohë, sipas Ministrisë së Shëndetësisë, kundërhelmin qytetarët mund ta gjejnë në QKUK.
“SHSKUK ka siguruar sasi të konsiderueshme të serumeve kundër kafshimit të gjarprit. Edhe ministria gjithashtu. Disa komuna ku shfaqen më shumë gjarpërinjtë për shkak edhe të karakteristikave të terrenit kanë marrë nga disa serume, kurse të tjerat, nëse kane nevojë për to, i drejtohen Ministrisë dhe serumi ju sigurohet në momentin që kanë nevojë”, kanë thënë për T7 nga Ministria e Shëndetësisë.
Numër i shtuar i gjarpërinjve së fundmi është parë edhe në Parkun e Gërmisë në Prishtinë.
