Komisioni Qendror i Zgjedhjeve (KQZ) ka bërë të ditur se deri tani janë numëruar 88.71% e votave të kandidatëve për deputetë, ndërsa procesi i numërimit po vazhdon.
Sipas rezultateve të deritanishme, janë publikuar edhe listat e 10 kandidatëve më të votuar nga katër partitë kryesore: Lëvizja Vetëvendosje, Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës.
Në Lëvizjen Vetëvendosje prin Albin Kurti me 213,391 vota, i ndjekur nga Glauk Konjufca me 167,544 dhe Albulena Haxhiu me 97,563 vota.
Në listë vijojnë Hekuran Murati, Donika Gërvalla-Schwarz, Xhelal Sveçla dhe të tjerë.
Në Partinë Demokratike të Kosovës, më i votuari është Bedri Hamza me 105,209 vota, i ndjekur nga Përparim Gruda dhe Arian Tahiri, ndërsa në listë figurojnë edhe Uran Ismaili, Vlora Çitaku dhe Enver Hoxhaj.
Në Lidhjen Demokratike të Kosovës kryeson Vjosa Osmani-Sadriu me 70,559 vota, pasuar nga Lumir Abdixhiku dhe Doarsa Kica-Xhelili, ndërsa në top 10 përfshihen edhe Avdullah Hoti, Lutfi Haziri dhe të tjerë.
Në Aleancën për Ardhmërinë e Kosovës, më i votuari është Ardian Gjini me 37,134 vota, i ndjekur nga Ramush Haradinaj dhe Daut Haradinaj, ndërsa në listë janë edhe Besnik Tahiri, Bekë Berisha dhe Agim Çeku.
Numërimi i votave po vazhdon, ndërsa rezultatet mund të ndryshojnë deri në përfundimin e plotë të procesit.
