Kryetari i Prishtinës, Përparim Rama, ka reaguar publikisht ndaj deklaratës së kryeministrit Albin Kurti, duke përdorur një gjuhë të drejtpërdrejtë në profilin e tij në rrjetet sociale.
“Qiti paret kryeministër”, ka shkruar Rama, në një koment që ka tërhequr vëmendje të madhe në opinionin publik.
Ky reagim vjen pasi Kurti, gjatë një mbledhjeje të Qeverisë, deklaroi se në rast fitoreje, ekzekutivi do t’i ndajë Kombëtares një shumë prej 500 mijë eurosh si shpërblim.
Deklarata e kryeministrit u pa si një premtim motivues për sportistët, ndërsa reagimi i Ramës është interpretuar si kritikë ndaj prioriteteve të shpenzimeve publike dhe mënyrës së shpërndarjes së fondeve.
Debati mes dy figurave politike reflekton edhe një herë dallimet në qasjet dhe qëndrimet e tyre lidhur me menaxhimin e resurseve shtetërore, duke nxitur diskutime të gjera në opinionin publik dhe në rrjetet sociale.
