Kryetari i AAK-së në Gjilan dhe kandidati për deputet në Parlamentin e Kosovës Rexhep Kadriu, sot ka shtruar iftarë për të gjithë strukturën e gjerë të anëtareve të Aleancës së Gruas në Gjilan. Në këtë iftar, prezent ishin edhe dy kandidatët e tjerë për deputetë nga Gjilani, Ahmet Isufi dhe Magbule Shkodra.
Kryetari Rexhep Kadriu, tha se si deputet i ardhshëm, do të punojë drejt emancipimit të gruas dhe vendosjen e rolit të merituar të saj në shoqëri. Ai gjithashtu tha se do ti kushtojë theks të vecantë krijimit të shtesave për fëmijë si dhe krijimin e një barazie ekonomike për të gjithë, edhe për ato gra që nuk punojnë.
Ndërkaq Ahmet Isufi dhe Magbule Shkodra thanë se roli i gruas në shoqërinë tonë është i pazëvendësueshëm dhe se duhet të punohet dhe të ngritet zëri për mbrojtjen e të drejtave të tyre dhe ekuivalimin e tyre në shoqëri.
Ndërkaq, sonte poashtu Aleancës së Gruas në Gjilan, iu bashkangjitën një numër i grave, të cilat aderuan me dëshirën për tu bërë pjesë e një Aleancë të mirëfilltë dhe të kuptueshme për gratë. Ndryshe, kryetarja e AGK-së në Gjilan, Arta Haziri-Nuhiu, u shpreh e kënaqur me përkrahjen e grave, por mbi të gjitha me atë të kryetarit të Degës Rexhep Kadriu, për të cilin treguan fuqishëm përkrahje të pakontestueshme.
Rexhep Kadriu shtron iftarë edhe për Aleancën e Gruas, një tjetër traditë e tij ndër vite
![](https://radiostargjilan.com/web/wp-content/uploads/2017/06/rexhepi.jpg)
Ndani këtë artikull