Presidenti amerikan Donald Trump ka nënshkruar urdhrin ekzekutiv për të mbyllur Departamentin e Arsimit.
Urdhri do të “fillojë të eliminojë një herë e përgjithmonë Departamentin Federal të Arsimit”, tha Trump, i cili u prit me duartrokitje nga audienca.
Në audiencë ishte Sekretarja e Arsimit Linda McMahon , e cila Trump shpreson të jetë ” sekretarja e fundit e arsimit “.
Shtetet e Bashkuara nuk i kanë edukuar mirë nxënësit për një kohë të gjatë, tha Trump, duke shtuar se të gjithë e dinë se kjo është “gjëja e duhur për të bërë”.
Ai shtoi se mbyllja do të ndodhë sa më shpejt që të jetë e mundur, duke pretenduar se SHBA “shpenzon më shumë para në arsim se çdo vend tjetër”, por është “afër fundit të listës për sa i përket suksesit”.
Ai vlerësoi mësuesit dhe tha se ata do të kujdesen pavarësisht nëse janë në sindikatë apo jo.
