Escobar: Kosova ka garanci shumë të forta sigurie nga SHBA-ja

Përditësimi i fundit: December 13, 2022 5:30 pm

I dërguari i Shteteve të Bashkuara të Amerikës për Ballkanin Perëndimor, Gabriel Escobar, ka thënë se SHBA-ja kundërshton kategorikisht kthimin e forcave serbe në Kosovë, që Serbia ka paralajmëruar se do ta kërkojë nga KFOR-i.

Në një intervistë për REL, ai thotë se Kosova ka garanci shumë të forta sigurie nga SHBA-ja, përmes KFOR-it.

“Ne e kundërshtojmë këtë kategorikisht, ne e hedhim poshtë këtë kategorikisht. Ne nuk e mbështesim fare. Unë gjithashtu dua të them se Kosova ka garanci shumë të forta sigurie nga SHBA. E para, këtë nuk e pres. E dyta, po e përsëris, Kosova ka garanci të forta sigurie nga Shtetet e Bashkuara, të manifestuara përmes pjesëmarrjes së saj në KFOR”, tha Escobar.