Futbollisti i skuadrës së Vushtrrisë, Erjon Morina, ka vdekur të enjten pasi për më suhmë se një muaj ishte në gjendje të rëndë shëndetësore në Klinikën Intensive.
SC Gjilani ka dërguar telegram ngushëllimi familjes Morina dhe Klubit Futbollistik Vushtrria.
Telegram ngushëllimi familjes Morina & Klubit Futbollistik Vushtrria 🎗️
Sport Club Gjilani e ka pranuar me dhimbje të thellë lajmin për ndarjen nga jeta të Erjon Morinës, futbollist i klubit “Vushtrria” nga Vushtrria.
Me këtë rast klubi dërgon telegram ngushëllimi familjes Morina për humbjen e më të dashurit të tyre dhe Klubit Futbollistik “Vushtrria” për humbjen e futbollistit të tyre.
Ikja e hershme e Erjonit për në botën tjetër na lë të pikëlluar, por kujtimi për të mbetet i paharruar në zemrat e familjes, bashkëlojtarëve dhe gjithë komunitetit të futbollit në Kosovë.
Në këto momente të vështira, ju lutem pranoni ngushëllimet më të sinqerta nga gjithë komuniteti ‘kuqebardh’. Ne jemi pranë jush në këtë dhimbje të madhe.
I përjetshëm qoftë kujtimi për Erjonin!
Me respekt,
Sport Club Gjilani
