Trajneri i Llapit, Tahir Batatina, ka komentuar barazimin 1-1 ndaj SC Gjilanit, duke deklaruar se nuk i kishte bërë fare analizë lojës së skuadrës kundërshtare, një deklaratë që, sipas tij, i kishte habitur edhe vetë lojtarët.
“Nuk i kam bërë fare analizë lojës së Gjilanit, edhe lojtarët janë çuditur”, ka deklaruar Batatina pas ndeshjes.
Pavarësisht rezultateve jo të mira në këtë periudhë të kampionatit, trajneri i Llapit ka shprehur bindjen se skuadra e tij do ta përfundojë kampionatin në mesin e pesë ekipeve të para.
“Llapi do të jetë në pesëshen e parë në fund të kampionatit. Nuk merrem me ato se kush çka thotë. Kur kam thënë se Llapi do të jetë ekip europian, të gjithë kanë qeshur”, u shpreh Batatina.
Barazimi në Gjilan i ka sjellë Llapit një pikë, por skuadra nga Podujeva vazhdon të përballet me vështirësi në rezultate.
Deklaratat e Batatinës tregojnë se ai vazhdon të besojë në potencialin e ekipit dhe në mundësinë për ta përmirësuar pozitën në vazhdim të kampionatit.
