Ministria e Infrastrukturës dhe Ambientit (MIA), Departamenti për Patentë Shofer, për shkak të koronavirusit ka ndërprerë paraqitjen e provimeve dhe testimin e kandidatëve për patentë shofer nga pjesa teorike dhe praktike në të gjitha njësitë regjionale.
Kjo është bërë e ditur në një njoftimi për media.
“Duke kërkuar mirëkuptim nga kandidatët për patentë shofer, autoshkollat dhe opinionin publik, njofton se në konform masave parandaluese rreth koronavirusit, sipas vendimit të Qeverisë së Republikës së Kosovës nga sot (12 mars), ndërprehet paraqitja e provimeve dhe testimi i kandidatëve për patentë shofer nga pjesa teorike dhe praktike në të gjitha Njësitë Regjionale të Patentë Shoferëve në përputhje me vendimin e Qeverisë për masat parandaluese kundër koronavirusit”, thuhet fillimisht në njoftimin e MIA-së.
