Policia e Kosovës në bashkëpunim me Inspektorët e Agjencisë së Ushqimit dhe Veterinës kanë nisur një aksion në të gjithë Prishtinën për të parë nga afër nëse po respektohen masat anti-Covid, shkruan IndeksOnline.
Inspektorët kanë shqiptuar masa ndëshkimore dhe kanë zbrazur lokalet që kishin shkelur rregullat. Lajmin për këtë aksion e ka konfirmuar për IndeksOnline, zëdhënësi i AUV-it, Lamir Thaçi.
“Jemi në terren bashkë me Policinë e Kosovës në gjithë regjionin e Prishtinës për të parë zbatimin e masave anti-COVID kur kanë hasur organizime që janë në kundërshtim me ligjin dhe masat e marra nga Qeveria”.
