Futbollisti i ri i deridjeshëm i FC Drita Olti Mehmeti, ka nënshkruar për FC Prishtina. Ky lojtar është prezantuar sot te klubi kryeqytetas, së bashku me futbollistët e talentuar Gentris Leci dhe Ernis Topalli.
Pas nënshkrimit me Prishtinën, Olti Mehmeti, ka theksuar:
“Sa i përket aspektit personal, unë Prishtinën e shoh si një klub i cili do të më ndihmojë shumë në arritjen e synimeve të mia, që një ditë të luaj në futbollin evropian.
E falënderoj klubin për besimin e dhënë dhe do të jap maksimumin për fanellën e Prishtinës, që të arrijmë bashkë synimet e klubit dhe ti bëjmë krenar tifozët e flaktë të klubit tonë, Plisat”.
